Avisa-los, aqueus paures gojats. Avisa-los, un bèl tropel que n’i a. E quò cort que lo diable, lo fuèc del cèl al cuol. Gaita-los, aqueus paures chens, aqueus paures res. Un ponhat de tipes. E quò trenca lo ras de nuèch, e tot aquò se sarra, alinhat al cordèl. Ont quò’s que tot aquò se’n vai tant vistament ? Reluca-los. Sembla dich qu’an perdut lo cap. O que lor an fach pèrdre. Un quinzenal de caps enturbanats de nuèch mai que negra. E las cambas, un brancum de cambas magrivolas que ne cachan mai que pòdon. E los braçs, un dansum de brostas gorlas. Un pataulhadís de cambas e de braçs. Per que quò’s que tot aquò galopa a se copar lo bufar ? Espia-los, aqueus paures bogres. N’an cap pus de ventre ni mai de peitrina. Lo còl, lor veses mas un còl. Lor demòra mas quò, un còl magrivol coma un bòsc de fusilh. Mes n’òm sap bric se credan, se cantan, se babilhan o se s’escornholan. N’òm sap bric se lor demòra una lenga, un cur, una arma. Los pes dins l’aiga, l’i van.

Regarde-les, ces pauvres gars. Regarde-les, il y en a un sacré nombre. Et ils courent comme des fous, le diable aux fesses. Vois-les, ces pauvres chiens, ces pauvres riens. Une poignée de types. Ils traversent le crépuscule, ils se suivent de près, alignés à la perfection. Où courent-ils si vite ? Observe-les. On dirait qu’ils ont perdu la tête. À moins qu’on ne la leur ai fait perdre. Une quinzaine de têtes enturbannées de nuit terriblement noire. Et les jambes, un branchage de jambes maigrichonnes qui se précipitent plus qu’elles ne peuvent. Et leurs bras, une danse folle de feuillages chétifs. Une cacophonie de jambes et de bras. Pourquoi galopent-ils à perdre haleine ? Guette-les, ces pauvres bougres. Ils n’ont plus ni ventre ni poitrine. Le cou, ils n’ont qu’un cou. Il ne leur reste plus qu’un cou, un cou maigre comme un bois de fusil. Mais impossible de savoir s’ils crient, s’ils chantent, s’ils parlent ou s’ils s’égosillent. Impossible de savoir s’il leur reste une langue, un cœur, une âme. Les pieds dans l’eau, ils foncent.