Poésie occitane
> Aller à la rubrique
Max Rouquette
MENU
Philippe Gardy : L'ombra...
Lire le poème dans sa version française
L'ombra es la filha de l'ombra
e sa maire primiera
d'ela sortís e dins ela dintra
coma lo riu se pèrd dins l'estelum
abans de tornar secret
dins l'espés escur de sei fònts inabenablas
aquí la vida que comença
còr de fuelhas e d'erbas
aquí la vida que finís
ponh mai que sarrat
sus lei gravetas sens nombre dau temps
l'ombra nais dau gisclar dei fuelhas
maire pus mairala que totei leis ombras mairalas
l'ombra nais e creis
d'un movement tan prim que se'n devinha pas
a paupas
que lo batecòr infinidament minuscul
la lenta butada entre lei peiretas dau còs gigant de la [terra
fins au moment
tan prim eu tanben
que de l'abséncia d'ombra
s'enauça e carga sei formas espaurugadas
la debuta d'un còs que dessenhariá quicòm de l'òme
dins la patz sorna dau jorn
Philippe Gardy, extrait de La dicha de la figuiera, paru aux éditions
Trabucaire.
À lire également : un extrait de Mitologicas
En savoir plus sur Philippe Gardy et sur son œuvre publiée