Poésie occitane
> Aller à la rubrique
Max Rouquette
MENU
Philippe Gardy : Mitologicas : Niobé
Lire le poème dans sa version française
Entre l'arbre e la nèu lo mond immens
tot aquel entrecrosament de pèiras e de fangas
aquela bastison pacienta e jamai finida
de brancas que cercan lo dessùs dau cèu
de teulats per reculhir la plueja e lei sasons
d'enclaus de terras lauradas e de còdols a miliers
sempre mai luenh que tot agach i pòt anar
fins qu'a la plana jamai laurada deis estelas
entre l'arbre e la nèu a desaparegut lo camin
qu'un jorn menèt a quauque ostau engrunat
remembre de poussa e de calhaus d'ara enlà
molonada infima dei presèncias enfugidas
e dei amors d'un temps la marca muda
pas qu'un rocàs de lagremas dedins l'erbum
dei plors dau mond que vira coma vidas
e se nega dins lo gorg blau dau temps
dei penas e dei dolors dins l'espirala
jamai arrestada que fai lo còs a mand de se perdre
ai ribas de l'escur demòra la pèira dura
espinha nuda dins l'espés de la terra
Philippe Gardy, extrait de Mitologicas, paru aux éditions Fédérop
(Photo de Georges Souche)
À lire également : un extrait de La dicha de la figuiera
En savoir plus sur Philippe Gardy et sur son œuvre publiée